Paddle surf de travesía ou SUP Touring
Somos un grupo de amigos que nos apaixona esta disciplina e gozamos coa súa práctica en Galicia.
Gústanos a exploración e descubrir recunchos no mar, nun río, nunha ría ou nun encoro; contemplar a contorna e gozar da paisaxe; gústannos as distancias longas pero sen présas; levamos o preciso para comer durante a travesía, algo de roupa por se refresca e algunha outra cousa que consideramos necesaria.
Ver as travesías
“Preferimos o vento se vén de costas, a auga coma un prato e remar con sixilo”
Detalles reseñables
Táboas inchables
As nosas táboas teñen ata 4 metros de lonxitude, ao ser inchables son máis fáciles de transportar e non se precisa moito espazo para poder gardalas.
Levamos equipaxe
Chaleco, camiseta, bermudas ou mallas, gorra, lentes de sol, neopreno, bolsa seca, roupa de abrigo, friameira, cantimplora, GPS, navalla multiusos, chifre…
Preocúpanos o vento
Tanto a súa velocidade, dirección coma a intensidade dos seus refachos, pero tamen nos interesan os horarios das mareas e as ondas.
Vivimos en Galicia
Practicamos paddle surf na comunidade con máis quilómetros de costa de España, aínda que non sempre ten as condicións idóneas para a práctica da nosa modalidade, pola contra temos moitas rías e tamén moitos ríos cos seus encoros para eses días co mar máis axitado.
Ver as travesías